Чоң-Алай айыл өкмөтү Кыргыз Республикасынын Президентинин тапшырмасына ылайык, көп балалуу энелерди “Баатыр эне” ордени жана “Эне даңкы” медалы менен сыйлоо үчүн документтерди 2025-жылдын 1-декабрына чейин кабыл алат.
Ошону менен бирге, Кыргыз Республикасынын Президентинин 2025-жылдын 14-августундагы №237 Жарлыгынын 2-пунктуна ылайык, мамлекеттик сыйлыктар жана ардак наамдар мораторий мезгилинде өзгөчө учурларда гана Президенттин демилгеси боюнча караларын маалымдайбыз.
Керектүү документтердин тизмеси
- Эне жашаган айыл аймактан толтурулган сыйлоо барагы (форма №2);
- Эненин иштеген жеринен иштеп жаткандыгы боюнча маалымкат;
- Эненин паспортунун көчүрмөсү;
- Эненин нике тууралуу күбөлүгүнүн көчүрмөсү;
- Балдарынын туулгандыгы тууралуу күбөлүктөрүнүн көчүрмөлөрү;
- Ар бир балага “Түндүк” тиркемеси аркылуу жашаган, иштеген же окугандыгын тастыктоочу маалымкат;
- Чет өлкөдө жашаган же иштеген балдарынын жашаган, иштеген жана соттуулугу жоктугу тууралуу маалымкат;
- “Түндүк” тиркемеси аркылуу үй-бүлөлүк курамы жана жашап жаткан жери тууралуу маалымкат.
Эскертүү:
Эгер эненин балдары каза болгон болсо — тиешелүү күбөлүктөрдүн көчүрмөлөрү кошулат. Эгер аталыш же фамилия өзгөргөн болсо — тастыктоочу документтер тиркелет. Документтерди эң кичүү бала бир жашка чыккан соң тапшыруу керек.
Туура эмес маалымат берилген учурларда Кыргыз Республикасынын мыйзамдарына ылайык чаралар көрүлөт.
Маалымат үчүн:
- “Баатыр эне” орденине — жети жана андан көп баласы бар энелер сунушталат.
- “Эне даңкы” медалына — алты баласы бар энелер сунушталат.
Толук маалымат алуу үчүн:
Сайпидинова Гүлбурак, коомдук саламаттыкты сактоо жана социалдык маданий маселелер боюнча башкы адис
0777 29 85 53